அது ஒரு மழை இரவு

அது ஒரு மழை இரவு
ஜன்னல் வழி வரும் சாரலின் குளிர் குத்தூசியாய் உடல் குத்திச்சென்றது

கைப்பேசியில் காதல் மொழி பேசிக்கொண்டிருந்தாள் என்னவள்

ஜன்னலை பூட்டிக்கொள்ளுங்கள்
போர்வையால் போர்த்திக்கொள்ளுங்கள்
அவளின் அக்கறைப்பேச்சு இது.

ம்ம்.. ஆனாலும் குளிர்கிறதே - இது நான்

அப்படியென்றால் அனைத்துக்கொள்ளுங்கள் என்னை-இது அவள்
மழைக்கு குளிரெடுத்தது இப்போது

எத்தனை காதலடி என்மேல் அன்றுனக்கு..

இப்போதும் மழை பொழிகிறது
என் இரவுகளில்
ஆனால்
ஏனோ குளிரவில்லை இன்றெனக்கு கண்ணீர் மழை....