அமில முத்தங்கள்

தேன் சொட்ட தந்த
தெவிட்டாத முத்தங்களெல்லாம்
தீர்ந்து போன ஓர் நாளில்
மறக்கச் சொல்லி சென்றாய்
ஆனாலும் சகியே
முத்த தினமெல்லாம்
முடிந்துபோன பின்பும்
முடிந்தபாடில்லை
முடிந்துபோன காதலின் கருணை
ஆமாம்.. இதோ..
நினைவின் இதழேறி வரும்
நின் முத்தங்களெல்லாம்
நெஞ்சமெங்கும் தடம் பதிக்கிறது
இப்போது
அமிலம் பட்டதாய் அலறித் துடிக்கும்
அன்பால் சாகும் உயிரின் சத்தம்
காற்றின் சிறகேறி வருகிறது
"கன்னத்தில் முத்தத்தின் ஈரம்
அது காயவில்லையே"